 |
 |
 |
 |
 |
 |
 |
 |
|
||
 |
‘GRINN GRINN’ Bha fiughair mhòr air an treas CD aig Cliar, fear a tha a cheart cho math ‘s a bhiodh duil ris bhon chòmhlan seo. Taitneach agus adhartach, ach bunaichte gu daingeann ann an dualchas nan Gàidheal. Thuirt an ‘Living Tradition’, “Ann am bliadhna anns an do nochd grunn chlàir Gàidhlig, tha am fear seo air bhàrr chàich… a’ cur gu mòr ri stòras òrain Gàidhlig an lath’ an-diugh.” Tha bliadhna no dhà air a dhol seachad bhon a nochd an clàr mu dheireadh, ach tha am ballrachd ùr nas sgairteile na bha iad riamh, fhathast comasach air, “do thoirt a neamh gun tighinn ort, mar gum biodh, a dhol dhan taobh eile thu fhèin”, a rèir Rob Adams bhon Herald. Tha Ros Màrtainn air a’ ghiotàr nise làn-stèidhichte mar bhall dhen chòmhlan, agus tha blas às ùr ann cuideachd leis a’ bhall as ùire, Eachann MacEanruig, air a’ phìob ‘s an fhìdeig. CLAR-CIÙIL 'S i nighean mo ghaoil, an nighean donn òg - 3.55 Gheibhear na faclan air PDF an seo
|
 |
‘GUN TÀMH’ Thug ‘The List’ “aon dhe na fuaimean as eireachdaile an Alba san aona linn thar fhichead” air Cliar. Thug iad a-mach an dàrna clàr aca ann an 2002, leis an aon bhallrachd ‘s a nochd air a’ chiad clàr – na seinneadairean Gàidhlig, Art MacCarmaig, Mairi Anna NicUalraig agus Magaidh Dhòmhnallach, Ingrid NicEanruig air piàna is clàrsach, Brus MacGhriogair air an fhidhil agus Chaz Stiubhart air a’ ghiotàr. Tha am measgachadh ciùil a’ leantainn eisimpleir a’ chiad chlàir shoirbheachail. Tha buill Chliar air am bogadh ann an ceòl is òrain na Gàidhealtachd agus tha seo follaiseach sa cheòl, co-dhiù tha iad a’ seinn òrain sìmplidh gaoil, obair nam bàrd mòra, no fuinn ùra air an fhidhill, a’ phiàna ‘s a’ chlàrsaich. Strathan-Sp èidh is Ruidhlichean - 5.22
|
 |
|
‘CLIAR’ A’ chiad clàr aig Cliar bho 2000, cruinneachadh de dh’òrain Ghàidhlig is de cheòl Gàidhealach, sean is ùr. Ballrachd a’ chòmhlain – Art MacCarmaig is Magaidh Dhòmhnallach a’ seinn, Mairi Anna NicUalraig is Ingrid NicEanruig a’ seinn, ‘s a’ cluich piàna is clàrsach, Brus MacGhriogair air an fhidhill agus Chaz Stiubhart air giotàr. ‘S e measgachadh a th’ anns a’ cheòl de stuth a thogadh bhon teaghlach, fuinn ùra air an sgrìobhadh le buill a’ chòmhlain, seann sheudan a chaidh air dìochuimhn’ thuige seo, agus òrain cumanta anns an deach spionnadh ùr a chur. Chaidh ‘Cliar’ ainmeachadh mar “An Clar a b’ Fheàrr Riamh” aig a’ chiad chuirm de Dhuaisean Ceòl Traidiseanta na h-Alba ann an Dùn Èideann ann an 2003. CLAR-CIÙIL Clò Mhic Ille Mhìcheil & Bonaidean Gorma - 3.57
|
|
|
LASAIR DHÈ ‘S e th’ ann an Lasair Dhè ach cruinneachadh àraid de cheòl ùr spioradail Gàidhlig le Cliar aig cridhe gnothaich, cuide ri Ceana Chaimbeul, Donaidh Murdo MacLeòid agus còrr is dà cheud seinneadair à còisirean Gàidhlig bho air feadh Alba. Tha sgrìobhadh ùr mar phàirt dheth, le ceòl ùr a’ nochdadh bho Cheana Chaimbeul, Alasdair Codona, Blàr Dùghlas, Mairi Anna NicUalraig, Eilidh NicChoinnich agus Stiùbhart MacRath. Bhon a chaidh a chruthachadh mar choimisean do dh’Fhèis na Gàidhealtachd ann an 1999, far an do choisinn e duais Chomann Crann na h-Alba, tha Lasair Dhè air buaidh làidir a thoirt air dualchas na Gàidhealtachd. Chaidh na sailm a sheinn gu tric ann an eaglaisean, ach cuideachd air an àrd-ùrlar, air rèidio agus air telebhisean. B’ e clàr maireannach dhen phròiseact a bh’ anns na clàraidhean beò seo à Cathair-Eaglais Ghlaschu agus Talla na Ban-Righinn ann an Dùn-Èideann, gus an leanadh an ceòl air a’ tighinn beò às deidh buaidh a thoirt air saoghal na Gàidhlig. CLAR-CIÙIL
[English] |
 |
